أخبار وطنية من داخل مصحة في باريس: روني الطرابلسي ينشر هذه الرسالة بشأن إصابته بفيروس كورونا
نشر وزير السياحة السابق روني الطرابلسي رسالة على صفحته الرسمية بموقع الفايسبوك تحدث فيها عن اصابته بفيروس كوفيد-19، مؤكدا انه بصدد تلقي العلاج ويتماثل للشفاء.
وكتب روني الطرابلسي ما يلي:
"في البداية، نحب نشكر الناس الكل الي تحيروا عليا وحاولوا يتصلوا بيّا وإلا بأفراد عايلتي باش يطمنوا عليا...
نحب نقلكم الي أنا والحمد لله بخير وقاعد نتلقى في العلاج بصفة طبيعية وقاعد نتماثل للشفاء...أنا عندي 3
أيام ملي مشيت للمصحة في باريس .
نحبكم تعرفوا الي حتى واحد ماهو في مأمن من فيروس"Covid-19" هذاكا علاش نحبكم تمتثلوا لنصائح وزارة الصحة في عملية التوقي وخاصة تطبيق الحجر الصحي الشامل لأنو في الوقت الحالي هذا المأمن الوحيد والدواء الوحيد.
ردوا بالكم على أرواحكم وعلى عائلاتكم وعلى أحبابكم...ربي يشفي كل شخص مصاب بهذا الفيروس وربي يرحم الي توفاو ويصبر عائلاتهم...
ربي يحمي تونس العزيزة ويبعد علينا هذا البلاء...
وتونس إن شاء الله غدوة خير...
روني الطرابلسي"
